Plantun de Prouvènço

Pèr coumpara dos planto d'encò nostre

Geranium sanguineum & Colchicum alpinum

Geranium sanguineum

Geraniaceae

Noms en français : Géranium sanguin, Géranium rouge sang.

Descripcioun :
Lou geranion-sanguin trachis en coulounìo dins li bos clar de colo e de basso Prouvènço. Li fueio de 4 cm de larg, soun penado e decoupado d'un biais prim. Li flour, d'un rose-poupre esblèugissènt, soun pourtado pèr un long pecou (4 à 6 cm).

Usanço :
Couneissèn pas d'usanço particuliero pèr aquelo planto. Escriéure au site se n'en sabès mai.

Port : Erbo
Taio : 15 à 60 cm
Fueio : alterno
Tipe bioulougico : Emicriptoufite
Cicle bioulougico : Planto renadivo

Gènre : Geranium
Famiho : Geraniaceae

Ordre : Geraniales

Coulour de la flour : Roso
Petalo : 5
Ø (o loungour) flour : 2,5 à 4 cm
Flourido : Printèms - Estiéu

Sòu : Ca
Autour basso e auto : Pancaro entresigna
Aparado : Noun

Liò : Colo - Basso mountagno
Estànci : Subremediterran à Mountagnard
Couroulougi : Éurasiatico
Ref. sc. : Geranium sanguineum L., 1753

Charuis

Colchicum alpinum

Colchicaceae

Autre noum : Bramo-vaco(-dis-Aup).

Nom en français : Colchique des Alpes.

Descripcioun :
La charuis, coume ié dison eilamount, o bramo-vaco-dis-Aup es uno planto que trachis en mountagno, souvènt sus safre, e flouris l'estiéu. Pamens pèr la destria de sa cousino Colchicum autumnale, fau bèn regarda l'estigmate emé uno lùpi (fotò). Aquéu èi gaire enarca e descènd pas sus l'estile. Coumpara emé la pìpia que flouris l'autouno.

Usanço :
Es uno planto forço empouisounanto que caup de cóuchicino, un pouisoun de la divisioun celulàri.

Port : Erbo
Taio : Pancaro entresigna
Fueio : costo paralèlo
Tipe bioulougico : Geoufite
Cicle bioulougico : Planto renadivo

Gènre : Colchicum
Famiho : Colchicaceae

Coulour de la flour : Roso
Petalo : 6
Ø (o loungour) flour : Pancaro entresigna
Flourido : Estiéu

Sòu : Ca
Autour basso e auto : Pancaro entresigna
Aparado : Noun
Remarco :

Liò : Mountagno mejano - Auto mountagno - Prado umido
Estànci : Mountagnard à Subaupen
Couroulougi : Pancaro entresigna
Ref. sc. : Colchicum alpinum DC., 1805

Partisoun en Prouvènço : CCC à C : mai o mens coumuno ; R à RRR : pulèu o forço raro ; "ges" dins aquéu relarg.

ges

RRR

Geranium sanguineum & Colchicum alpinum

ges

Coumpara Geranion(-sanguin) emé uno autro planto

Coumpara Charuis emé uno autro planto